Reddock vHost-S

 У адпаведнасці з пунктамі 18 і 19 Санітарных норм, правіл і гігіенічных нарматываў «Патрабаванні да ўладкавання, абсталявання і ўтрымання жылых дамоў», зацверджаных пастановай Міністэрства аховы здароўя Рэспублікі Беларусь 20 жніўня 2015 г. №95, сістэмы ацяплення і вентыляцыі павінны забяспечваць тэмпературу паветра у жылых памяшканнях жылых дамоў на працягу ўсяго ацяпляльнага перыяду ад +18 да +24 °С. Дадзенае патрабаванне не распаўсюджваецца на жылыя дамы, абсталяваныя аўтаномнай сістэмай ацяплення. 
 
Такім чынам, пры дадатных тэмпературах вонкавага паветра ў ацяпляльны сезон сістэма аўтаматычнага рэгулявання павінна падтрымліваць працу сістэмы апалу ў рэжыме «прапальвання», выняткоўваючы ператопы будынка.   
У выпадку, калі тэмпература паветра ўнутры жылых памяшканняў не адпавядае ўстаноўленым нормам, Вам неабходна звярнуцца ў арганізацыю, на абслугоўванні якой знаходзіцца дом (арганізацыя ЖКГ, таварыства ўласнікаў і да т.п.), для праверкі працаздольнасці і пераналадкі сістэмы аўтаматычнага рэгулявання тэмпературы.

Рашэнні аб тэрмінах пачатку асенне-зімовага перыяду прымаюцца абласнымі, раённымі і гарадскімі выканаўчымі камітэтамі. 
 
Вызначэнне тэрмінаў уключэння ацяплення грунтуецца на даных аб сярэднямесячных тэмпературах вонкавага паветра па абласцях рэспублікі, а таксама на прагнозах дзяржаўнай установы "Рэспубліканскі гідраметэаралагічны цэнтр".
 
Уключэнне сістэм ацяплення аб'ектаў ажыццяўляецца ў наступнай чарговасці: 
 

• пры сярэднясутачнай тэмпературы на працягу 5 сутак +10 °С і ніжэй – медыцынскія ўстановы, установы сацыяльнага забеспячэння, школы і дашкольныя ўстановы, музеі, дзяржаўныя архівы, бібліятэкі;   
• пры сярэднясутачнай тэмпературы на працягу 5 сутак +8 °С і ніжэй -жыллёвы фонд, інтэрнаты, гасцініцы, навучальныя ўстановы;  
• па ўзгадненні з энергазабяспечваючай арганізацыяй пры ўмове наяўнасці пашпарта гатоўнасці або акта праверкі гатоўнасці да работы ў ОЗП названых аб'ектаў, зарэгістраваных у органе Дзяржэнергагазнагляду, і пасля ўключэння ацяплення жылых дамоў - грамадскія, адміністрацыйныя будынкі, прамысловыя прадпрыемствы і іншыя аб'екты.